Daar is ‘n afname in die bedrieglike uitreiking van leerlinglisensies

Saamgestel deur Jana Roos
May 8
1 min read

Die Padverkeersbestuurskorporasie sê teen-korrupsiemaatreëls wat by leerlinglisensie-toetssentrums ingestel is, verminder die bedrieglike uitreiking van lisensies en verbeter padveiligheid.

Dit sê gerekenariseerde leerlinglisensie-toetsstelsels is in 2021 ingestel en kies lukraak vraestelle en merk toetse outomaties. Die Padverkeersbestuurskorporasie se Simon Zwane sê dit verhoed dat amptenare vooraf antwoorde aan aansoekers verskaf.

Zwane waarsku beide aansoekers en korrupte amptenare teen bedrog en sê dat arrestasies reeds gedoen is en verdere ondersoeke aan die gang is.