Daar is ‘n tekort aan matriekvraestelmerkers
Oct 8
1 min read
Daar is ’n tekort aan merkers vir Afrikaans Huistaal, Engels Huistaal en Geskiedenis vir vanjaar se matriekeksamen. Dit is volgens die Raad vir Gehalteversekering in die Onderwys (Umalusi).
The Citizen berig Umalusi sê hy is egter tevrede dat daar oor die algemeen genoeg nasienkapasiteit is.
Die Departement van Basiese Onderwys beplan om vroeg met die nasienwerk te begin en dit in fases te doen om die tekort te bestuur. Dieselfde probleem is in 2024 aangemeld.
Umalusi sê die Departement van Hoër Onderwys en Opleiding sal eers later vandeesmaand sy aanstellingsproses vir merkers finaliseer.
Umalusi sal teen 19 Oktober oor die departement se nasienkapasiteit kan verslag doen.
Comments