Daar is vrese vir ’n tweede vloedgolf in Nepal

Te midde van vrese vir ’n tweede vloedgolf, soek reddingswerkers na oorlewendes ná kitsvloede in die Himalaja-grensgebied in Nepal.

Die dodetal het tot minstens 469 gestyg, terwyl honderde mense steeds vermis word. Die aantal Suid-Afrikaners wat in Nepal vermis word, het intussen tot ses gestyg.

Plaaslike amptenare sê ’n ineengestorte gletser het die vloedgolf veroorsaak, wat huise, paaie en ’n belangrike Nepal-Tibet-grensoorgang vernietig het.

Drie mense is ook in Tibet oorlede en meer as 550 word vermis, hoewel dit onduidelik is of dié syfers met die Nepal-syfers oorvleuel.

Gift of the Givers sê intussen hulle is gereed om stedelike soek-en-reddingspesialiste na Nepal te ontplooi.

FOTO: Aljazeera