Akademia wil ‘n amptelike universiteit word

Die private Afrikaanse hoëronderwysinstelling Akademia beplan om aansoek te doen om universiteitstatus.

Akademia se registrateur, Liana van Rooy, sê hulle glo dat die verkryging van dié amptelike status sy akademiese aansien sal versterk.

Daily Investor berig die Departement van Hoër Onderwys en Opleiding moet egter eers die aanvullende operasionele implementeringsriglyne publiseer, wat die aansoekproses, tydraamwerke en kriteria uiteensit.

Dit sal dan moontlik wees vir kwalifiserende private hoëronderwysinstellings om aansoek om universiteit- of universiteitskollegestatus te doen.

Akademia. FOTO: Akademia