Dagga is glo in De Brug-soldate se sorgpakkies gevind

Saamgestel deur Nadia Pieters
Jul 19
1 min read

Kwarantynmaatreëls by die De Brug Mobilisasiesentrum buite Bloemfontein is verskerp.

Dit nadat dagga glo in sorgpakkies gevind is wat deur familielede vir soldate afgelewer is.

Rapport berig twee pakkies aartappelskyfies het glo elk 'n pakkie dagga bevat. 'n Koek is glo ook ondersoek.

Verder is 'n stuk van die kamp se heining glo oopgeknip sodat pakkies aan soldate oorhandig kon word.

Leë en halfvol drankbottels is ook gekonfiskeer, aangesien die kamp as 'n "droë" kamp verklaar is.

Die soldate is tans in 'n verpligte kwarantyn van 21 dae ná hul terugkeer uit die DRK. Hulle het die afgelope week oor die toestande by De Brug gekla, terwyl die Suid-Afrikaanse Nasionale Weermagunie die hooggeregshof genader het om die kwarantyntydperk op te skort.