Daggabedryf beplan om regering hof toe vat

Die plaaslike daggabedryf beplan om regstappe vir die verbod op dagga en hennepvoedselprodukte teen die regering te neem. Die minister van Gesondheid, Aaron Motsoaledi, het vroeër hierdie maand die verbod aangekondig. Politieke partye het die verbod gekritiseer en vrees dat dit die bedryf sal benadeel. Suid-Afrika het die gebruik van dagga vir persoonlike gebruik wettig gemaak, maar die verkoop daarvan is steeds onwettig. Die Cannabis Trade Association Africa sê die onlangse verbod het reeds ‘n swaar slag vir die hennepbedryf toegedien en tot die verwydering van verskeie voedselprodukte van kleinhandelrakke landwyd gelei.