De Lille verskyn voor die parlement

Die minister van Toerisme, Patricia de Lille, sal voor die parlement se Portefeuljekomitee oor Toerisme verskyn om rekenskap te gee van die dispuut wat tot die Toerismeraad se ontbinding gelei het. Die minister het die raad ontbind nadat hulle uitvoerende hoof, Nombulelo Guliwe, op voorsorgskorsing geplaas het oor bewerings van wangedrag. De Lille het die raad daarvan beskuldig dat hulle ‘n onwettige vergadering byeengeroep het en buite wettige mag opgetree het. Daar word beweer dat die minister die raad belemmer het om Guliwe te dissiplineer ten spyte van berigte van finansiële onreëlmatighede wat R4 miljoen beloop.