Dertig jongmense kry selfoonherstelopleiding

Dertig jongmense van regoor die Vrystaat ontvang tans opleiding in selfoonherstelwerk, as deel van ’n program om werkloosheid onder die jeug te verlig. Volgens die Vrystaatse Departement van Ekonomiese Ontwikkeling en Toerisme word die drie weke lange program aangebied in vennootskap met NEMISA en die Nasionale Jeugontwikkelingsagentskap. Die opleiding het op 27 Mei begin en sluit een week se “Begin jou Besigheid”-kursus in. Deelnemers word bemagtig met vaardighede om óf ’n werk te kry óf self werk te skep. Ná afloop ontvang hulle ’n sertifikaat, gereedskapskis, tablet en hulp met besigheidsregistrasie. Die projek volg ná Statistiek SA se verslag oor ’n 33%-styging in jeugwerkloosheid.