Die 63-jarige aktrise, Michelle Botes, is oorlede

Die 63-jarige aktrise, Michelle Botes, is vanoggend oorlede. In haar laaste onderhoud met Bruis, ‘n Afrikaanse tydskrif, het sy openhartig van haar stryd vertel. Botes het die afgelope twee en ’n half jaar met gevorderde veelvuldige myeloom, ’n seldsame, ongeneeslike soort bloedkanker wat die beenmurg affekteer, geleef. Dokters het haar in Oktober twee tot drie maande gegee om te leef nadat haar kankertelling kommerwekkend gestyg het. Volgens Botes was sy gereed vir op wat ook al op haar wag.