Die ANC ontken bewerings oor Bfn se stadsbestuurder

Saamgestel deur Nadia Pieters
1 hour ago
1 min read

Die ANC het ontken dat daar besluit is om die Mangaung Metro Munisipaliteit se stadsbestuurder, Sello More, uit sy pos te verwyder.

Central News berig dit volg ná berigte dat die ANC se streeksleierskap glo toestemming gegee het vir sy verwydering.

Die party sê geen sodanige besluit is tydens onlangse vergaderings geneem nie, en voeg by dat die metro se finansiële bestuur en dienslewering onder More verbeter het.

Volgens die ANC sal enige besluit oor die verwydering van ’n senior amptenaar streng interne prosesse volg en eers met die party se provinsiale strukture bespreek word.