Die Arbeidsdepartement verwelkom inhegtenisnemings oor 'n Covid-bedrogskema
- Saamgestel deur Ilde Roos
- May 18
- 1 min read
Die Departement van Indiensneming en Arbeid verwelkom die inhegtenisneming van drie verdagtes wat gekoppel is aan ‘n beweerde bedrogskema van R27 miljoen van die COVID-19 Tydelike Werkgewer-Werknemer Verligtingskema (Ters) in Mpumalanga.
Die verdagtes het na bewering voordele vir meer as 700 spookwerknemers geëis, wat groot verliese vir die Werkloosheidsversekeringsfonds veroorsaak het.
Die inhegtenisnemings het gevolg op ‘n gesamentlike ondersoek deur die Valke, die Werkloosheidsversekeringsfonds, die Spesiale Ondersoekeenheid en die Nasionale Vervolgingsgesag se Bateverbeurdingseenheid.
Die waarnemende direkteur-generaal, Jacky Molisane, sê die inhegtenisnemings stuur ‘n sterk boodskap dat bedrog met betrekking tot openbare fondse nie geduld sal word nie.
Comments