Die Brandkop-parkrun gaan voort indien dit veilig is
- Saamgestel deur Nadia Pieters
- 30 minutes ago
- 1 min read
Vrywilligers van die Brandkop-parkrun sal Saterdagoggend die terrein by Brandkop eers inspekteer om seker te maak dit is veilig vir deelnemers.
BloemnuusExpress berig dit volg na 'n veldbrand Vrydagmiddag naby die Brandkop-renbaan in Pellissier uitgebreek het.
Volgens inligting wat vroeër gedeel is, het sowat twee hektaar veld toe reeds afgebrand.
Die brand is onder beheer gebring deur die AfriForum Suide-brandspan, FADT Securefire, Kwaggafontein en die Mangaung Metro Munisipaliteit.
Die Brandkop-parkrun sal na verwagting om 08:00 begin, mits die terrein veilig verklaar word.
Comments