Die DA is bekommerd oor die vroeë aftrede van 47 senior aanklaers

Die DA het kommer uitgespreek oor berigte dat die Nasionale Vervolgingsgesag groot pakkette vir die vroeë aftrede van 47 senior aanklaers goedgekeur het, wat meegebring het dat bykans sy hele korps ervare aanklaers einde van April afgetree het.

SABC-nuus berig die DA-woordvoerder oor Justisie, Glynnis Breytenbach, het die goedkeuring van dié aftredes bevraagteken nadat die NVG vroeër herhaaldelik sy versuim vir die vervolging van staatskapingsverdagtes toegeskryf het aan vaardigheidstekorte en kapasiteitsbeperkings. Breytenbach sê in 'n verklaring die aftreepakkette is vermoedelik goedgekeur sonder die vereiste toestemming van die minister van Justisie.

Sy het namens die DA die Nasionale Direkteur van Openbare Vervolging, Andrew Mothibi, gevra om die rasionaal, koste en goedkeuringsproses vir die aftredes te verduidelik. Breytenbach sê nóg aftredes sal die stryd teen korrupsie ernstig kniehalter.

Ter illustrasie. FOTO: Weet