Die departement van justisie sal 'n hofaansoek oor die nuwe vervolgingsdirekteur teenstaan

Die departement van justisie sê hy sal ’n dringende hof-aansoek teenstaan wat die aanstelling van ’n nuwe nasionale direkteur van openbare vervolgings wil stop.

Newskoop berig die aansoek voer aan dat advokaat Hermione Cronje se kandidatuur nie behoorlik deur die adviespaneel oorweeg is nie.

Die regsfirma wat die aansoek bring, wil hê die proses moet van voor af begin en dat president Cyril Ramaphosa verhoed word om ’n aanstelling te maak. Die departement sê die saak is voortydig, aangesien die president steeds die paneel se verslag oorweeg.

Intussen berig Maroela Media die nasionale adjunkdirekteur van openbare vervolgings, Anton du Plessis, het bedank.

Hy het Ramaphosa in Augustus ingelig van sy voorneme om weens persoonlike en familieredes uit te tree. Sy termyn verstryk op 31 Desember.

Hermione Cronje. FOTO: Daily Maverick