Die EFF kritiseer die ANC oor die waterkrisis in die Vrystaat

Die EFF in die Vrystaat sê die ANC-regering het versuim om gemeenskappe van basiese en veilige drinkwater te voorsien. Dit volg nadat die Menseregtekommissie ‘n hofbevel verkry het wat die Masilonyana-munisipaliteit dwing om onmiddellik skoon water aan inwoners van Winburg, Makeleketla en Motsemotsha te verskaf. Die party sê die saak bevestig ‘n breër diensleweringskrisis, aangesien geeneen van die provinsie se 18 munisipaliteite konsekwente toegang tot water kan waarborg nie. Die EFF eis onmiddellike nakoming van die hofbevel, aanspreeklikheid vir oortredende amptenare en dringende regstappe teen ander munisipaliteite wat versuim om skoon water te verskaf.