Die EFF verwelkom die terugtrek van die Nasionale Kredietwetwysigingsregulasies

Die EFF sê hulle verwelkom die minister van Handel, Nywerheid en Mededinging, Parks Tau, se besluit om die Nasionale Kredietwetwysigingsregulasies terug te trek.

Die regulasies is verlede maand gepubliseer en het ten doel gehad om opvoedkundige instellings as verskaffers van kredietinligting aan te wys.

Die EFF sê dit sou studente op swartlyste geplaas het omdat hulle nie uitstaande fooie betaal nie.

Die party sê die besluit om die regulasies terug te trek, is as gevolg van volgehoue druk op die regering van nasionale eenheid.