Die FDC slaan toe op huur- en leningwanbetalers

Die Vrystaatse Ontwikkelingskorporasie (FDC) slaan toe op huur- en sakeleningswanbetalers. SABC News berig die FDC se waarnemende hoof uitvoerende bestuurder, Kgotso Tau, sê hulle neem streng stappe om te verseker dít wat aan die korporasie verskuldig is, word betaal. Hy voeg by die FDC het meer as 3 300 huurkliënte en 1 200 leningkliënte, waarvan die meeste met 'n aansienlike bedrag agterstallig is. Tau sê verder ‘n span is saamgestel wat met elkeen van hul kliënte in gesprek gaan tree om te verseker hulle kom hul verpligtinge teenoor die FDC na.