Die filantroop Collen Mashawana het 'n klag teen Daily Maverick gelê

Die filantroop en stigter van die Collen Mashawana Foundation (CMF), Collen Mashawana, het 'n saak teen Daily Maverick en ondersoekende joernalis Pieter-Louis Myburgh gemaak.

Dit ná 'n reeks verslae wat die CMF probeer verbind met beweerde ongerymdhede by die Independent Development Trust (IDT), insluitend bewerings van onbetaalde werkers en bedenklike betalings wat die geskorste hoof uitvoerende beampte van IDT, Tebogo Malaka, betrek.

Central News berig Daily Maverick het vroeër vandeesmaand oor beweerde korrupsie by die IDT verslag gedoen, insluitend 'n insident waar Malaka vir Myburgh met R60 000 kontant in 'n Dior-sak wou omkoop.

'n Video van dié insident het tot Malaka se skorsing gelei, en die minister van openbare werke, Dean Macpherson, het 'n kriminele klag gelê.