Die Film- en Publikasieraad beboet 21 film- en speletjieverspreiders

Die Film- en Publikasieraad (FPB) se Handhawingskomitee het boetes aan 21 verspreiders van films en speletjies in Suid-Afrika vir nie-nakoming opgelê.

Volgens die raad wissel die boetes van R50 000 tot R750 000, afhangende van die tipe oortreding.

Daar is bevind dat sommige films of speletjies onwettig in die land versprei is sonder om by die raad as verspreiders geregistreer te wees.

Ander is beboet vir die verspreiding van ongeklassifiseerde volwasse films sonder die vereiste lisensie of vir die versuim om ouderdomsbeperkings en verbruikersadvies duidelik te vertoon.

Die FPB sê die handhawingsoptrede het gevolg op fisiese en aanlyn voldoeningsinspeksies deur sy beamptes.

Ter illustrasie. FOTO: Wix