Die hemele kan dalk 'n ligskou lewer

Suid-Afrikaners gaan Woensdagaand die geleentheid kry om dalk die Aurora Australis te besigtig.

Dit aangesien die eerste van drie voorspelde sonstorms die aarde Dinsdag begin tref het.

Weens die energie van die deeltjies in die boonste atmosfeer kan die hemele in die suidelike halfrond moontlik skouspelagtig verlig word.

Volgens Cape Town Etc kan inwoners tot in die Vrystaat moontlik die ligvertoning sien.

Kenners raai aan dat jy jou kamera en 'n bietjie geduld saam bring.

FOTO: Cape Town Etc.