Die Hoogland Waterprojek kry ‘n hupstoot
- Saamgestel deur Nadia Pieters
- Apr 21
- 1 min read
Die Lesotho Hoogland Waterprojek Fase II het ’n verdere hupstoot gekry met die bekendstelling van ’n tweede tonnelboormasjien.
Volgens die minister van Water en Sanitasie, Pemmy Majodina, sal die 38KM lange tonnel die Polihali- en Katse-damme verbind om watervoorsiening aan Gauteng te versterk.
Twee boormasjiene werk nou van teenoorgestelde kante, met vordering wat reeds meer as 900M bereik het.
Die departement se woordvoerder, Wisane Mavasa, sê die projek beweeg nou na volskaalse konstruksie.
Sy voeg by dat dit groeiende momentum toon in een van Afrika se grootste waterinfrastruktuurprojekte.
Comments