Die Idac-hoof onttrek haarself van Misdaadintelligensie-sake

Saamgestel deur Nadia Pieters
Jul 21
1 min read

Advokaat Andrea Johnson, die hoof van die Ondersoekdirektoraat Teen Korrupsie (Idac), het haarself onttrek van die eenheid se sake rakende senior Misdaadintelligensie-beamptes.

Dit het vandag aan die lig gekom by die Madlanga-kommissie van ondersoek, waar Johnson tans getuienis lewer.

Sy het verlede maand gevra om verwyder te word van sake rakende Misdaadintelligensie-hoof, luitenant-generaal Dumisani Khumalo, weens ’n botsing van belange.

Khumalo en ander beamptes is aangekla van bedrog en korrupsie wat verband hou met die aanstelling van ’n ongekwalifiseerde persoon in ’n senior pos binne sy afdeling.

Intussen het Johnson aan die kommissie gesê dat daar niks dramaties was aan Khumalo se inhegtenisneming by die OR Tambo Internasionale Lughawe verlede jaar nie.