Die Kango-grotte maak weer oop

Saamgestel deur Ilde Roos
Jul 11
1 min read

Die Kango-grotte buite Oudtshoorn in die Klein Karoo gaan na verwagting weer oopmaak. Dit volg op die heropening van die R328 Kango-grottepad nadat dit sedert 9 Mei weens rotsstortings gesluit was.

Die Wes-Kaapse Departement van Infrastruktuur het meer as 7 000 ton puin verwyder.

Die woordvoerder van die Oudtshoorn-munisipaliteit, Candice Biscombe, sê die munisipaliteit is verheug om die amptelike heropening van Suid-Afrika se oudste toeriste-aantreklikheid aan te kondig.