Die Kubaanse Mediese Opleidingsprogram is gekanselleer

Die Kubaanse Mediese Opleidingsprogram word as ‘n verkwiste uitgawe beskryf en is deur die Suid-Afrikaanse Nasionale Weermag (SANW) gekanselleer. SABC News berig die Suid-Afrikaanse Militêre Gesondheidsdiens sê hy sal nie bykomende mediese studente na Kuba stuur nie. Maar hulle sal wel student wat reeds daar is, toelaat om hul mediese kursusse te voltooi.  Die opdrag om die kontrakte van opleidingstudente in Kuba te hersien, is deur die voormalige minister van verdediging, Thandi Modise, uitgereik. Volgens SANW-woordvoerder Siphiwe Dlamini, is verskeie opsies van die program ondersoek en een van die probleme is dat student, weens taalkwessies, 'n oorbruggingskursus met hul tuiskoms benodig het. Dlamini is ook van mening dat alle buitelandse studente, en nie net Kubaanse opgeleide dokters deur die oorbruggingskursus moet gaan.