Die Mangaung-metro en AfriForum sit koppe bymekaar

Saamgestel deur Nadia Pieters
May 15
1 min read

Die Mangaung-metro sê hy het ’n konstruktiewe vergadering met AfriForum gehou om kwessies rondom dienslewering, infrastruktuur, finansies en bestuur aan te spreek.

Volgens ‘n kennisgewing was die doel om kommunikasie te verbeter en gemeenskaplike grond te vind in die belang van inwoners.

Die stadsbestuurder, Sello More, het sy verbintenis tot deurlopende gesprekke bevestig, terwyl amptenare terugvoer gegee het oor pogings om finansies te stabiliseer en dienslewering te verbeter.

Die metro sê die Finansiële Herstelplan bly ’n kernfokus, met stappe om finansiële beheer te versterk en skuldvlakke te bestuur.

Intussen bly infrastruktuur-uitdagings, soos verouderde stelsels en waterverliese, ’n groot probleem wat steeds aandag geniet.

Die kwessie van afvalbestuur en voorgestelde tariewe by stortingsterreine is ook bespreek, met kommer oor onwettige storting en die bestuur van fasiliteite.

AfriForum het sy bereidwilligheid bevestig om saam met die metro te werk aan oplossings, insluitend moontlike betrokkenheid by diensleweringsprojekte.