Die Mangaung-metro ruim onwettige stortingsterreine op
- Saamgestel deur Nadia Pieters
- Jul 21
- 1 min read
'n Grootskaalse skoonmaakprojek van onwettige stortingsterreine in Bloemfontein is deur die Mangaung-metro se direktoraat vir vaste afvalbestuur aangepak.
Die Mangaung Metro Munisipaliteit sê spanne het hope rommel verwyder en oop ruimtes herstel om die gebiede weer skoon en veilig te maak.
Volgens die metro veroorsaak onwettige storting omgewingskade, hou dit gesondheidsrisiko's in en plaas dit verdere druk op munisipale hulpbronne.
Inwoners word aangemoedig om nie rommel onwettig te stort nie en eerder aangewese stortingsterreine te gebruik.
Die metro vra ook die gemeenskap om 'n aktiewe rol te speel deur oop ruimtes skoon te hou en onwettige storting aan te meld.
Comments