Die nuutgeboude Borwa-kliniek open in Tweespruit

Saamgestel deur Ilde Roos
Nov 26, 2025
1 min read

Die nuutgeboude Borwa-kliniek in Tweespruit in die Vrystaat is amptelik geopen.

Die adjunkminister van gesondheid, dokter Joe Phaahla, het die kliniek aan die premier van die Vrystaat, MaQueen Letsoha-Mathae, en die LUR vir Gesondheid, Monyatso Mahlatsi, oorhandig.

Die moderne kliniek, wat in Julie voltooi is, is daarop gemik om gesondheidsorgdienste vir die Tweespruit-gemeenskap te verbeter. Dit is deel van voortgesette pogings deur die regering om gesondheidsinfrastruktuur te verbeter, wat die sleutel is tot universele gesondheidsdekking.

Die kliniek spog met ‘n reeks geriewe, insluitend ‘n watertenk van 60 000 liter om watertekorte aan te spreek, ‘n verpleegstershuis om personeel te lok en te behou, en voldoende ruimte om verkeersopeenhoping te verminder.