Die nuwe Grondslagfase-katalogus kan geïmplementeer word

Die nuwe Nasionale Katalogus vir die Grondslagfase is goedgekeur en kan nou met onmiddellike effek geïmplementeer word.

Die Departement van Basiese Onderwys sê in ’n mediaverklaring die besluit is deur die Raad van Onderwysministers onderskryf ná ’n omvattende hersieningsproses. Dié proses het ’n amptelike oudit, ’n onafhanklike ondersoek en verskeie regsmenings ingesluit.

Volgens die departement se verklaring is daar bevind dat geen bedrog of begunstiging plaasgevind het nie, en is daar dus geen rede om die katalogus te kanselleer nie.

Die nuwe katalogus bevat bygewerkte materiaal vir Grondslagfase-leerders, wat nou ook nuwe leerareas soos kodering en robotika insluit.

Ter illustrasie. FOTO: Wix