Die onderwysdepartement waarsku teen fopnuus oor ’n Bloem-laerskool

Die Vrystaatse Departement van Onderwys het die publiek ernstig versoek om op te hou om misleidende Facebook-berigte oor die Gonyane Laerskool in Bloemfontein te versprei.

Die departement sê die bewerings is onwaar en veroorsaak net onnodige paniek.

Dit volg ná gerugte van ’n steekvoorval tussen twee leerders by die skool. Die departement beklemtoon dat die skoolhoof die saak dadelik met die grootste sorg hanteer het.

’n Maatskaplike werker het reeds berading verskaf, die polisie is betrek, en die ouers is aangeraai om ’n kriminele klag te lê.

Die skool se beheerliggaam berei reeds ’n formele tugverhoor voor. Die departement verseker ouers dat die skool stabiel is en dat klasse normaal voortgaan.

Ter illustrasie. FOTO: Facebook