Die OVK doen ’n beroep op die publiek om te registreer om te stem

Saamgestel deur Jana Roos
May 5
1 min read

Die Onafhanklike Verkiesingskommissie van Suid-Afrika (OVK) moedig kiesers aan om aanlyn te registreer om in die volgende verkiesing te stem.

Suid-Afrikaners sal in November vanjaar in die plaaslike regeringsverkiesing stem. Die kommissie sê mense wat nog nie geregistreer is om te stem nie en diegene wat na nuwe gebiede verhuis het, moet registreer in die stemdistrik waarin hulle nou woon.

Kiesers sal slegs kan stem in die stemlokaal waar hulle geregistreer is.