Die PA ondersteun Ramaphosa in die parlementêre afsettingsondersoek
- Saamgestel deur Ilde Roos
- May 20
- 1 min read
Die PA sê dat hulle president Cyril Ramaphosa ten volle ondersteun voor sy opkomende parlementêre afsettingsondersoek.
’n Komitee sal ondersoek instel of Ramaphosa sy ampseed oortree het in die beweerde toesmeerdery van ’n inbraak in 2020 op sy Phala Phala-plaas.
Die speaker van die Nasionale Vergadering, Thoko Didiza, het onlangs die samestelling van die komitee afgehandel, wat 31 parlementslede sal insluit.
Die PA se leier, Gayton McKenzie, sê niemand in sy partykoukus sal daarvoor stem om Ramaphosa in ’n staat van beskuldiging te plaas nie. McKenzie voeg by sy party bly verbind tot die regering van nasionale eenheid.
Comments