Die polisie konfiskeer meer as R430 000 se namaak-tekkies in Bfn
7 days ago
1 min read
Die polisie het 508 pare namaak-tekkies met ’n beraamde straatwaarde van R431 800 tydens ’n operasie in Bloemfontein gekonfiskeer.
Volgens die polisie is ’n deursoekingslasbrief by ’n skoen- en klerehandelaar in St Georgesstraat in die middestad uitgevoer as deel van Operasie Shanela II.
Die skoene het name van bekende handelsmerke gedra.
’n Ondersoekdossier is by die Parkweg-polisiestasie geopen weens ’n moontlike oortreding van die Wet op Namaakgoedere.
Die polisie sê die ondersoek sal saam met handelsmerkkundiges voortgesit word.
Comments