Die polisie ontdek 'n geweer in 'n skooltas

Saamgestel deur Ilde Roos
5 days ago
1 min read

Polisiebeamptes het 'n gelaaide rewolwer ontdek wat in ’n skoen binne ’n skooltas versteek was.

Twee mense is in hegtenis geneem nadat die polisie dié ongelisensieerde vuurwapen tydens Operasie Shanela Twee naby Zastron in die Vrystaat in beslag geneem het.

Die polisie het 'n voertuig langs die R726 vasgetrek, en ook kontant in ’n baadjie gevind.

Die twee insittendes staan nou tereg op aanklagte van die besit van ’n ongelisensieerde vuurwapen en ammunisie, sowel as geldwassery. Ondersoeke duur voort.