Die polisie waarsku Vrystaters oor afpersing
- Saamgestel deur Nadia Pieters
- Mar 26
- 1 min read
Die polisie waarsku Vrystaters om op hul hoede te wees te midde van ’n toename in voorvalle van afpersing in gemeenskappe.
Polisiewoordvoerder, sersant Mahlomola Kareli, sê afpersing behels dat geld of dienste deur dreigemente of intimidasie verkry word.
Hy verduidelik dat dit van roof verskil omdat slagoffers dikwels onder dwang “toestem” om te betaal. Kareli waarsku ook dat polisielede altyd hul aanstellingskaart moet toon – indien nie, kan dit op ’n bedrieër dui.
Die publiek word gemaan om versigtig te wees vir sogenaamde “beskermingsfooie”, kuberafpersing en onwettige inmenging met vervoer.
Die polisie beklemtoon dat geen beampte geld mag vra om in hegtenisneming te vermy nie, en dat sulke voorvalle onmiddellik aangemeld moet word.
Comments