Die Premier eis antwoorde van Mangaung-amptenare

Die Vrystaatse premier, MaQueen Letsoha-Mathae, het senior amptenare van die Mangaung Metro Munisipaliteit gewaarsku dat lang verduidelikings oor swak dienslewering nie aanvaarbaar is nie.

Tydens 'n vergadering in Bloemfontein het die premier gesê sy wil weet watter stappe reeds gedoen is om die munisipaliteit se probleme aan te spreek, eerder as om nog planne en voorstelle te hoor.

Letsoha-Mathae het beklemtoon dat die provinsiale regering se betrokkenheid daarop gemik is om die munisipaliteit weer ten volle funksioneel te maak.

Sy het gesê politieke leiers is dikwels diegene wat gemeenskappe moet antwoord oor swak dienslewering, terwyl die amptenare wat besluite neem nie altyd aanspreeklik gehou word nie.

Die premier het egter in ‘n plasing op sosiale media vertroue uitgespreek dat die munisipaliteit sy uitdagings kan oorkom en dienslewering kan verbeter.

MaQueen Letsoha-Mathae. FOTO: Facebook