Die pryse van slimfone en skootrekenaars kan skerp styg

Suid-Afrikaanse mobiele netwerkoperateurs sê slimfoon- en skootrekenaarspryse sal na verwagting vanjaar skerp styg.

Dit is as gevolg van ‘n wêreldwye tekort aan flitsgeheueskyfies.

Cell C verwag prysstygings van tussen 30 en 40 persent oor die volgende twee maande. MTN moedig kliënte aan om kontrakooreenkomste te oorweeg en hul aankope rondom promosietydperke te beplan om stygende koste te verreken.

MyBroadband berig dat Samsung, saam met die Chinese maatskappye Xiaomi en Realme, waarsku oor moontlike prysstygings vir hul toestelle.

Ter illustrasie. FOTO: Wix