Die rand verswak na die vrystelling van die werkloosheidsyfer

Die rand het op Dinsdag 13 Mei verswak nadat dit bekend geword het dat werkloosheid in Suid-Afrika verder gestyg het. Volgens Reuters sê Statistieke SA dat 32,9% van mense in die eerste kwartaal van vanjaar nie werk het nie – hoër as die 31,9% aan die einde van verlede jaar. Werkloosheid bly een van die land se grootste probleme. Newskoop berig die rand het swakker teenoor die dollar gesluit. Die plaaslike geldeenheid het vanoggend effens herstel.