Die rand verswak na ‘n onverwagse rentekoers besluit

Saamgestel deur Jana Roos
22 minutes ago
1 min read

Die rand het verswak nadat die Suid-Afrikaanse Reserwebank onverwags rentekoerse onveranderd gelaat het, ten spyte van markverwagtinge van ‘n verhoging van 25 basispunte. Die geldeenheid het kortliks naby R17 teenoor die Amerikaanse dollar verhandel voordat dit effens herstel het tot ongeveer 16 rand-80 sent.

Investec se hoofekonoom, Annabel Bishop, sê markte pas steeds aan by die besluit, terwyl sy waarsku dat die rand kwesbaar bly vir wêreldwye onsekerheid, veral hernieude geopolitieke spanning in die Midde-Ooste.