Die regering gaan 350 000 maatskaplike toelaes hersien

Saamgestel deur Ilde Roos
Jul 22
1 min read

Die minister van Maatskaplike Ontwikkeling, Dina Pule, sê die regering sal meer as 350 000 maatskaplike toelaes gedurende die 2026-’27 finansiële jaar hersien om te verseker dat slegs begunstigdes wat in aanmerking kom hulp ontvang.

Die hersienings sal na verwagting ongeveer R1,5 miljard bespaar deur bedrog en verkeerde betalings te voorkom.

Pule sê die Suid-Afrikaanse Maatskaplike Sekerheidsagentskap (Sassa) brei digitale dienste, biometriese verifikasie en e-Life-sertifisering uit om toegang te verbeter en lang toue te verminder.

Meer as 1 000 kontrakwerkers sal ook aangestel word, kantoorure sal verleng word en huisbesoeke vir bejaardes en verswakte begunstigdes sal voortgesit word.