Die regering oorweeg verdere stappe oor stygende brandstofpryse
Die regering oorweeg moontlike maatreëls om die impak van stygende brandstofpryse op verbruikers te verlig.
Volgens SABC News sê president Cyril Ramaphosa die regering neem die saak ernstig op, aangesien lande wêreldwyd met hoër oliepryse sukkel.
Ramaphosa voeg by die regering het tydens die vorige brandstofprysstyging sowat R24 miljard aan subsidies bestee om die impak op verbruikers te versag.
Hy waarsku egter dat dié geld uit ander regeringsprogramme moes kom. Enige verdere ingryping sal dus ook finansiële implikasies vir ander prioriteite hê.
Brandstofpryse sal na verwagting in die komende weke weer styg, wat vervoer- en voedselkoste verder kan verhoog en druk op huishoudings kan plaas.
Ramaphosa sê die regering oorweeg sy opsies, maar het nog geen nuwe maatreëls aangekondig nie.
Comments