Die regering werk aan oplossings om teenstrydige asielsoeker-hofuitsprake uit te stryk

Die Interministeriële Komitee oor Migrasie sê die regering werk aan oplossings om teenstrydighede in verskillende hofuitsprake oor asielaansoekers uit te stryk.

SABC-nuus berig die Minister van Justisie en Grondwetlike Ontwikkeling, Mamoloko Kubayi, sê dié kwessies sluit in of asielaansoekers in Suid-Afrika in hegtenis geneem moet word en of hulle status amptelik verander kan word sonder dat hulle in polisie-aanhouding is.

Van die uitsprake oor asielaansoeke is dié van die Konstitusionele Hof oor die regte van aansoekers om asiel en dié van 'n paneel onder leiding van die Regterpresident van Gauteng.

Volgens Kubayi is daar ook teenstrydige sake in die Wes-Kaapse hooggeregshof. Sy sê al dié sake moet in 'n verenigde geheel saamgevat word.

Mamoloko Kubayi. FOTO: Inside Politic