Die regering wil strategiese petroleumreserwes verhoog

Saamgestel deur Ilde Roos
Jun 11
1 min read

Die regering beplan om die land se strategiese petroleumreserwes te verhoog.

Volgens die Minister van Minerale en Petroleumbronne, Gwede Mantashe, sal die reserwes verhoog word tot die ekwivalent van 60 dae se netto invoere. Mantashe sê dit is deel van ‘n konsepbeleid wat daarop gemik is om Suid-Afrika se ekonomie teen wêreldwye voorsieningsonderbrekings te beskerm.

Die huidige wet laat Suid-Afrika toe om ru-oliereserwes te handhaaf wat gelykstaande is aan 21 dae se voorraad tydens ‘n tekort. Dit stel die land bloot aan wêreldwye voorsieningsonderbrekings.