Die Reserwebank gee duidelikheid oor die voorgestelde nuwe valutabeheerregulasies

Saamgestel deur Nadia Pieters
May 19
1 min read

Die Nasionale Tesourie en die Suid-Afrikaanse Reserwebank het Suid-Afrikaners verseker dat voorgestelde nuwe valutabeheerregulasies nie daarop gemik is om die besit van kripto-bates te kriminaliseer nie en ook nie terugwerkend toegepas sal word nie.

Die konsepregulasies oor kapitaalvloeibestuur poog om die land se valutabeheerstelsel te moderniseer en kripto-bates formeel binne die raamwerk vir oorgrens finansiële vloei in te sluit.

Owerhede sê die maatreëls is bedoel om onwettige finansiële aktiwiteite beter op te spoor en te voorkom, eerder as om wettige kripto-besit te beperk.

Tesourie en die Reserwebank het ook die openbare kommentaartydperk tot 30 Junie 2026 verleng.