Die SAID het nou sy eie WhatsApp-lyn

Saamgestel deur Ilde Roos
1 day ago
1 min read

Die Suid-Afrikaanse Inkomstediens (SAID) het sy digitale diens uitgebrei en onder meer 'n nuwe WhatsApp-opsie ingestel wat belastingpligtiges sal help om toegang te kry tot assesserings en lang rye te vermy.

SABC-nuus berig die SAID sê hy het in die lig van die komende seisoen vir die indiening van belastingopgawes sy hulpbronne versterk om die nakoming van regulasies te bevorder.

Die belastingseisoen begin op 1 Julie, met ongeveer ses miljoen belastingbetalers wat outomaties geassesseer word.

Die diens sê terugbetalings kan binne 72 uur verwag word, aangesien vrywillige nakoming landwyd steeds toeneem.