Die SAID stel nuwe reëls vir buitelandse voertuie in

Saamgestel deur Nadia Pieters
56 minutes ago
1 min read

Die Suid-Afrikaanse Inkomstediens, SAID, sê alle buitelands-geregistreerde voertuie sal vanaf 1 Junie vooraf op die SAID Traveller Management System verklaar moet word voordat hulle Suid-Afrika binnekom of verlaat.

Volgens ‘n kennisgewing vorm die nuwe maatreël deel van planne om grensbeheer en doeaneprosesse te moderniseer en nasionale veiligheid te versterk.

Volgens die inkomstediens sal tydelike invoerpermitte vir buitelandse voertuie vir ses maande geldig wees en vir veelvuldige grenskruisings gebruik kan word.

SAID waarsku dat voertuig-eienaars wat versuim om voertuie te verklaar of vals inligting verskaf, langer vertragings en moontlike afdwingingsoptrede by grensposte kan ervaar.