Die Samancor-slykdambreuk word ondersoek

Saamgestel deur Nadia Pieters
1 hour ago
1 min read

Die Limpopo-Olifants Opvanggebiedbestuursagentskap en die Departement van Water en Sanitasie en het ’n ondersoek van stapel gestuur ná die mislukking van ’n slykbergingsfasiliteit by Samancor se Dikwena Chrome in Noordwes.

Die voorval het verlede Donderdag plaasgevind toe die noordelike muur van kompartement 1B ineengestort het en byna alle gestoorde slyk vrygestel het.

Geen ongevalle is aangemeld nie, maar myninfrastruktuur, ’n spoorlyn en Eskom-kraglyne is beskadig, terwyl ’n naamlose sytak besoedel is.

Watermonsters is geneem, maar resultate is nog nie bekend nie.

Die departement se woordvoerder, Wisane Mavasa, sê die departement het die myn beveel om op te hou om slyk in sy damme te stort terwyl ondersoeke voortduur.