Die SAPD waarsku oor die uitlek van verklarings

Saamgestel deur Nadia Pieters
2 hours ago
1 min read

Die Suid-Afrikaanse Polisiediens het kommer uitgespreek oor die uitlek en publikasie van beëdigde verklarings wat met lopende ondersoeke na dwelmverwante misdaadnetwerke verband hou.

Volgens SABC News waarsku polisie dat sulke inligting ernstige risiko’s inhou.

Die nasionale polisiewoordvoerder, Athlenda Mathe, sê die veiligheid van getuies bly ’n prioriteit en dat die uitlek van sensitiewe besonderhede nie net hul lewens nie, maar ook dié van hul families in gevaar stel.

Sy voeg by dat die voortydige bekendmaking van inligting ondersoeke kan benadeel en moontlik misdadigers waarsku oor polisie-optrede.

Polisie doen ’n beroep op regslui om saakinligting nie uit te lek nie en dit slegs vir hofvoorbereiding te gebruik.