Die SARB verhoog rentekoerse
17 minutes ago
1 min read
Die Suid-Afrikaanse Reserwebank het rentekoerse met 25 basispunte verhoog, wat die repokoers tot 7,25 % en die prima uitleenkoers tot 10,75 % te staan bring.
Die goewerneur van die Reserwebank, Lesetja Kganyago, sê stygende brandstofpryse dryf hoër inflasieverwagtinge aan, met die verwagting dat hoofinflasie later vanjaar en vroeg volgende jaar vyf persent sal oorskry.
Die ekonomie het met 0,2 % in die tweede kwartaal gekrimp, maar die Reserwebank verwag dat groei gedurende die tweede helfte van die jaar sal herstel.
Die Reserwebank sê koerse kan vir die res van 2026 stabiel bly.
Comments