Die SOE sal binnekort meer besonderhede verskaf na hul klopjag by Hangwani Maumela se luukse huis
- Armando Pieters
- Oct 11
- 1 min read
Die Spesiale Ondersoekeenheid (SOE) sê dat hulle binnekort meer besonderhede sal verskaf na hul klopjag by sakeman, Hangwani Maumela, se luukse huis in Gauteng.
Die SOE het Vrydag Maumela se voertuie gekonfiskeer as deel van ʼn voortgesette ondersoek na tenderkorrupsie by die Tembisa-hospitaal.
Maumela is geïmpliseer as een van die figure agter ʼn sindikaat wat daarvan beskuldig word dat hulle kontrakte by die hospitaal geplunder het.
Volgens die SOE moet sommige regsprosesse nog gefinaliseer word voordat hulle verdere inligting bekend kan maak.
Comments