Die taxibedryf word deel van SAID se belastingfokus

Die taxibedryf gaan meer aandag van die Suid-Afrikaanse Inkomstediens, oftewel SAID, kry as deel van pogings om die land se belastingbasis te verbreed.

Volgens IOL sê SAID hy fokus toenemend op die informele ekonomie en die taxibedryf om belastingnakoming te verbeter.

Die Suid-Afrikaanse Nasionale Taxiraad, oftewel Santaco, verwelkom die fokus en sê dit is deel van ’n formalisering- en korporatiseringsproses wat reeds sowat ses jaar aan die gang is.

Die meeste taxibesighede word tans as eenmansake bedryf, en individuele bestuurders betaal reeds belasting in dié hoedanigheid.

Santaco sê die bedryf werk ook daaraan om belastingbydraes met die toepaslike belastingstelsel in lyn te bring.

Ter illustasie. FOTO: BusinessTech